اخبار بني وايل مشاركات في منتدى شبكة بني وايل .. الشاعر الوايلي
مشاركات في منتدى شبكة بني وايل .. الشاعر الوايلي
الشاعر الوايلي:
سلامي ياربعي بني وايل معرّبة الجدود
اللي لها بالطيب و التكريم وقفه وصملي
وين الذيابه يامعـوّض يامـديـرٍ للـوفـود
اللي يميّز بين مذهب شافعي و الحنبلي
--------------------------------------------------------------------------------
رد الشاعر عطاالله صالح:
نرحب بالشاعر الوايلي واهدي له هذا الرد المتواضع.
يامرحبا ياالوايلي حييت يانسل الفهـود
تحيـةٍ من راس شاعـر يارفيـع المـنـزلي
انشهد انك ذيب و معوض كم الذيب معدود
والطـيّب اللي للعـلوم الغانمــات يحصلي
--------------------------------------------------------------------------------
محمد بن هزاع:
عطاالله
والله ونعم بك ياعطاالله
والشاعر الوايلي
ربي لايحرمنا منكم ومن ردودكم
---------------------------------------------------------
رد معوض معيض العنزي
مدير شبكة قبائل بني وائل
اهلا وسهلا بك في شبكتك وبين ابناء عمومتك..
الله يحييك من مشيت لحتى الفيت.. ياهلا بك ونورت الشبكه باابياتك الرائعه ولعلك ذخر وفخر ياالبناخي ولنا الشرف بك ونتشرف باابياتك.. دمت بود وغلاء ومحبه
بك البقى ياالوايلي خذ من تصانيف الردود
عـد السحاب اللي نشاء منه المصامد تمتلي
لك الفخر ياالوايلي واعيال وايل لك عضود
انتـه رفيعـن منـزلك وانـا رفيعـن منـزلـي
ولك كل شكري وتقديري
وننتظر مشاركاتك معنا وحياك الله
اخوك- معوض معيض العنزي
--------------------------------------------------------------------------------
رد الشاعر الوايلي:
الله يبقيكم و يخليكم و الله لايهينكم و انتم الدافع المعنوي لي. وانا اتشرف و افتخر بوجودي بين هذه الكوكبة من الشعراء الرائعين و ردودكم اسعدتني و زادتني تشوقا للرد ولاكن عسى ان اكون عند حسن الظن و انا سوف اكمل المحاورة مع الشاعر عطاالله صالح من دون قاصر باخوي معوض ولاكن هو الذي رد الاول وانتم عملتين لوجه واحد و الله لايفرقنا و لا خلا و لاعدم و فالكم التوفيق؟.
دام البقاء فيكم ياربعي ياعساكم فالوجود
تواجـدي معـكم شـرف وانا تـراي ابـعـتلي
حـنـا بني وايـل سلالـة من سلايل بن سعود
كبيرنـا يذبـح كبـش وصغيـرنـا يذبـح طـلي
--------------------------------------------------------------------------------
رد الشاعر عطاالله صالح:
مشّ القـدم ياشاعـرٍ ينهـل طويلات العدود
الله يـجـمّـل خيـّرٍ عنـد الشـدايـد جـمـّـلي
دام السفينة ماشية و يقودها بالبحر عود
نفحر بكم ياالوايلي و العود ساسه وايلي
--------------------------------------------------------------------------------
رد الشاعر الوايلي:
انته ماشفتك بالرياض ولا رايتك فالنفود
شكلك حوالي حرمةٍ للبيت ترضى تزعلي
ونعم بعودٍ ياصحيبي حل صعبات العقود
من هو يجي للوايلي همٍّه تـرا لك ينجلي
--------------------------------------------------------------------------------
رد الشاعر عطاالله صالح:
انت مادامـك بالريـاض ولا تـعـدّيت الحـدود
وشلون تبغى للديــار اللي بعيـده تاصـلي
شلون تبغى شتوفنا و الناس حاسد و محسود
ليتـك لنـا ياالوايلـي عبر الوسـايـل ترسلي
--------------------------------------------------------------------------------
رد الشاعر الوايلي:
عمرك حوالي نصف قرن ولاتجيب أيّات فود
لاكنّ ماانته تاجرٍ في ذا الذهب و يّا الحلي
خنـذف شبـابه بـارزة كلٍ بمـاله لك يجـود
اصبــر عليّـه و اتعـدى نجـم ثـم اللي يلـي
--------------------------------------------------------------------------------
رد محمد هزاع:
ربي يعافيكم والله ياشعارنا
فعلا اتحفتونا بتلك المساجلة الشيقه
ولنا الحق اننا وهنا نفتخر فيكم وبشعركم
والي الامام
ولاتبخلو علينا با المزيد يالربع
--------------------------------------------------------------------------------
رد الشاعر عطاالله صالح:
الفود ماهي الطربقة واقول ماعليك زود
وترا العلوم النازلة مايقولها الا جاهـلي
البقعه اللي تحجب الرؤيا عساها ماتعود
كم فارسٍ دار الزمان وعن جـواده حولي.
تم إضافته يوم الجمعة 03/07/2009 م - الموافق 11-7-1430 هـ الساعة 3:27 مساءً
الـصـفـحـة
الـرئيسية
